نبيها إستجواب ! نبيها تأزيم !!

عدنا و العود أحمد

موضوعي يمكن مشابهه أو مكمل حق موضوع ساحة الصفاة


الشعب الكويتي شعب مكاري
يتباكى و يلطم و يصارخ و يقول ملينا و حجي فاضي ما يوكل خبز
و لي صارت انتخابات يردون ينتخبون نفس الأشكال
ليش ؟
أنا اقول لكم ليش ،، في حالة غيروا الأشكال المؤزمة ! الشعب راح يتحلطم و يلطم و يحش بمنو ؟؟ بيصير فراغ و كبت مشاعر مو متعود عليه الشعب الكويتي

فنحن شعب يعشق التحطلم و عيش دور المظلوم و المظلومية و إنه شعب الله المختار "لان الكويتي غير عن البشر بكل شي "

وهو الشعب الوحيد المضطهد و اللي فيه غالبية صامته !! انزين ليش صامتين ؟؟ ليش ما يتكلمون !!



أرد على موضوع ساحة الصفاة و إن ربعنا دائما ما ينجرون وراء الصراعات الهامشية

حجاب نائبات و الظواهر السلبية و غيرها

ربعنا دايما يعشقون هالقضايا عشان يسوون مهرجانات خطابية و يفرغون مشحون الشعارات و التنديد عندهم و يتكلمون عن التنمية إنزين وينهم ليش ما ينمون ؟؟

حاليا ٣ قضايا مطروحه و راح تنطرح بالساحة يعني الدواووين و النواب و القوى الوطنية راح تشبع لطم فيهم

فتوى الحجاب و الرقابة و الظواهر السلبية و خصوصا بعد حرب الردة إللي صارت اليوم بالمجلس

الشعب الكويتي شعب يعشق التأزيم ،، سواء المؤزمين نفسهم لأن هالشي بدمهم أو من (( العقلانيين )) في الطرح لازم يترززون للتنديد بالتأزيم

نشوف التأزيم بمنظور ثاني

جامعة الكويت من ٣٠ سنة و نسمع الكل يقول مختطفة من الإخوان


و أهمه مدعومين من تيارات خارجية و ياخذون دعم و فلوس و مادري شنو و ربعنا يقولون أحنا ما نتلقى الدعم

انزين هذيل اللي مدعومين ٣٠ سنة متحكمين فيكم يعني الرسالة إن الناس و حتى الغالبية الصامته يبون واحد مدعوم من تيار خارجي و مسير ،، و احنا ربعنا ٣٠ سنة و اهمه يتبرون من التيار الوطني !


الشعب عاوز كده يبا قولوا احنا مدعومين و شوفوا الأصوات شلون تهل عليكم لا تاخذكم الصيحات و ان الشعب ما يبي احزاب و تدخلات و هالحجي الفاضي

ثانيا نشوف المؤزمين موجودين بكل مجلس و بإزدياد إنزين ليش ربعنا ما يصيرون مأزمين ؟؟


ياخي صار معرض الكتاب إنمنع فيه كتاب

أقول و استجوب (( اكرر استجوب ما الوح بالاستجواب و اهدد )) لا أقوم استجوب الوزير لأن خالف الدستور

سكروا المقاهي و مادري شنو

أقوم استجوب وزير البلدية و الداخلية بأي صفة

مو انت قاعد تتباكى عالدستور و القوانين و مادري شنو

ليش تسوي ندوه تلطم فيها قوم استجوب

صير مؤزم الشارع يبي جذي يقول لك حجي انه مل و ما يبي بس بقلبهم يتمنون يصير تأزيم

ربعنا زهقونا بكلمة مانبي ندخل الكويت بنفق مظلم و مادري شنو

طيب الديرة اذا انت ما دخلتها بهالنفق غيرك قاعد يدخلها بقضايا سخيفة و هامشية

إنت عالاقل اتدخل البلد بنفق مظلم بس على مبدأ مو على فزعة

مادري منو حاط ابالكم إن الاستجواب ما يصير الا حق المال العام في مليون مادة بالدستور كل يوم تنتهك ما تعرفون الا المال العام ؟
يبى قوم إستجوب عالطالعة و النازلة

من شنو ربعنا خايفين ؟؟

كلنا كرسيين مادري ثلاث على شنو خايفين ؟
صار لكم سنين تحاولون تزيدونهم مو قادرين يبا

اتوكلوا على الله و قولوا All-in

يا خال يا بو ثنتين

ترى زهقنا