سوالف مع سيارتي !

مالي خلق سياسة اليوم

بسولف مع سيارتي !!



من عوايدي إني أسمي كل سياره تمر بحياتي بإسم معين أدلعها يعني و أسولف معاها إذا تضايقت ( ترى صج أكلم سيارتي و أشكيلها بعد ) يمكن مينون بس هذا الواقع صراحة

و أحتفل بعيد ميلاد سياراتي " اليوم اللي شريتها فيه " و أروح أسويلها تصفيه و أغسلها و أشتري لها هدايا و تفافيخ و السوالف

لكن بنفس الوقت أنا مو من الناس إللي يخافون على إحساس سيارتهم و خصوصا عند الرصيف أو المطبات

في عالم يعاملون سياييرهم على المطبات بدلع زايد تشوف السياره تلحس المطبه جنها قطوة قاعدة تحك راسها بريولك عشان توكلها

أنا والحمد لله مافي رصيف بالكويت ما يعرفني لو يحصلي حتى الطوفه أمشي فوقها
لأن عندي مبدأ بالسيايير خصوصا إن السيارة أنا أركبها مو إهي تركبني يعني لما ألعن خيرها راح تخترب فراح يكون في سبب خربها أحسن من لا أدلعها زياده عن اللزوم و آخر شي تخترب إهني تحوشني جلطة
و هالشي واقع لأني لما دلعت زياده عن اللزوم كليتها عدل بالكراجات


ولكن ....


إن شاء الله يصير إللي إبالي

بس قولوا يا مسهل يا رب
الهدف الجديد

My Target
السياره إللي مخطط عليها و إن شاء الله

هالسيارة إللي أحبه فيها و يخليني ما اتردد و أحاول و أسوي المستحيل عشان آخذها

إنها تعبر بكل معنى الكلمة عن

" المتعة في قمة الدفاشة "
يعني هالسيارة و إهي تمشي بالشارع لما إترك فيها أتوقع العالم مو بس يفتحون لك لا عادي يردون إبيوتهم مو بس يوخرون لأن السياره حديد و أشكره تعور صدقوني


---
أما هذي المقرودة أسميها إللي مو مترقعه من أول يوم شريتها عليها عين ما صلت عالنبي
شفت الويل و الهوايل من وراج عسى الله يفكني منج يارب

واكبت معظم الأحداث بحياتي على الصعيدين السياسي و النقابي
حبيتها فترة طويله و ليلحين أحبها بس يا الوقت إللي لازم أفارقها لأني صج تعبت
هذي شيري "كرز" عاد إيي بعينها شكثر أدلع فيها بس مو كفو بس صراحة زين سويت فيج ما إحترمتج و هيلقتج وايد بالستيكرات عشان تتسنعين ما تسنعتي

حارة أمان <-- خالصين مطبات <-- خالصين رصيف واطي <-- خالصين رصيف عالي <-- خالصين بالبر ١ <-- ١٤٠ عالرمل سرعة معقولة بالبر ٢ <-- دست مع بانشيات هم زين عروس <-- بيضتي الويه وهذي صورها بالمناسبات عيد ميلادها الأول ١٤/٦/٢٠٠٧ إنتخابات ٢٠٠٦ (التطبيقي)
قضية بيان جمعية الإصلاح
إنتخابات التطبيقي ٢٠٠٧


عيد ميلادها الثاني ٢٠٠٨
حتى شوارفسكي حطيت لج عشان الناس ينقدون و إتطيح من العين و تخف خراباتج ما تسنعتي
( حطيت هالسوالف يعني إسمي حمني P:)

بس يه الوقت إللي أودعج إن شاء الله




بس صج ما الحب إلا للحبيب الأولي
الله يرحمج هذي صور سكينوووه المينونة (( سكينووو جاناووو )) بعد الحادث و بالسكراب

سكينووو المتحرقة
سكينووو المسكربه

مزاجي اليوم