ملاحظات على الجلسة

ملاحظات سريعه حول الجلسة الأولى من مجلس الأمة

سريع سريع و بدون صور بعد


عبدالرحمن العنجري ..... " مالقيت لك بشت أطول ،، شدعوه بشتك اقصر من دشداشة هايف ولا بشت صيفي ؟ "

الطبطبائي .... " مو جذي يبوسون خشم المره اليايه إنطحهم بعد "

مخلد العازمي .... " مو جذي يدزون عشان صوره يم الأمير ،، بالدور بالدور لا تخاف بتصور والله "

الطبطبائي كلاكيت ثاني مره ... " اقسمممممممممم باللله ندري انك شاركت في صياغة كلمة ضوابط شرعية في قانون الانتخاب مو لازم تعيدها ٨ مرات شدعوه قاعد تعايرنا "


الطاحوس .... " روح حق الحلاق قول له الشنب من اليمين مو محدد عدل نازل اكثر من اليسار "

العنجري ..." عمي شوي شوي القسم ماراح يخلص شدعوه ترى جلسة قسم مو عدنيات هدي "

أسيل ..... " سؤال شنو السر بالكرسي ،، انتي و قبلج الصقر كل ما يقعدون على هالكرسي عبالهم دوارف ولا نطاطية الارنت الجائع اللي كانت بكيفان ،، ركدي "


معصومة .... " يرحم والديج ركدي افتريتي أكثر من المراسلين اللي بالمجلس "

ديميثير .... " بعد ما عصبت من الحكومه ،، شدعوه كل تصويت عكسها ،، انزين خالد النفيسي الله يرحمه قال لا يجوز انت ما قلتها "


هايف .... " انا اقول ليش ما تقرى لنا فهرس كتاب حصن المسلم قبل لا تقسم "


المطوع .... " أودي أودي أودي ٣ مرات تقولها ،، يبا والله سيايير المجلس بي ام لا تتشرط "


هلال الساير .... " ادري والله العظيم حاس فيك و كسرت خاطري العم وحيد ،، قاطينك زاويه و ربعك متيمعين بروحهم تقوم تفتر و تروح و ترد اتدور ربع اتدور سوالف معذور والله "


الخرافي .... " قول حق فداوية صليبخات قول لهم اخوي اللي يشتغل بمصر مو انا يقعدون ايببون عبالهم بتعطيهم فلوس "

الرومي ... " اخذ ثقل شوي عمي مو ناقص الا تحط على سيارتك ستيكر تقول صرت نائب رئيس عمي ظل احد ما سلمت عليه شدعوه شون مايكل داش الحلبه "

عاشور ... " ليش لما قلت - و على آل بيته - اتطالع العمير من طرف عينك ؟ "

رولا ،،،، " انا اقول رفعي بعد البنطلون اكثر "

العبدالهادي ..... " بعد ما عندك حجة نائب و صرت نائب و صرت عضو باللجنة الخارجية ،، الله يرضا لي عليك اول ما اتطب ايران او سوريا الله لا يهينك ٢٠٠ دينار سوو ضروسك بس "

الحويله .... " اشكر بعد خامس واحد قاعد بالسطر الرابع من الجمهور إللي عاليسار ترى شكله كان يبيك تصير مراقب "

موضي ... " أما القميص النيكل مو صج هذا يركب عاليوكن ؟؟ "


و بس قبل لا انتل