وايد لوية هاليومين
اسيل و فتوى تحريم التصويت (( للنساء ))
وانا الحمدلله و الشكر كل نايم مادري شفيني
حتى البحث مالي التسليم بعد اسبوعين وانا ليلحين كاتب
بسم الله و ٤ اسطر
بتطرق للمواضيع بشكل سريع جدا جدا
أبي المسلم الغيور على دينه و الذي ينتصر للنبي و نسائه خل يحط لنا تسجيل الدكتورة كامل غير مجتزأ
جزاه الله خير لأن القاعده الشرعية تقول "" البينة على من إدعى ""
و عن الهياط الزايد غفر الله لكم
خلصنا من اسيل
نروح حق الفتوى
طيب آمنا بالله مو تقولون إنه مجلس الأمة ولاية عامة ؟؟
إنزين الفتوى ما تعتبر رسم لشؤون الأمة رغم إنها غير ملزمة ولكن تؤثر على عدد كبير من الناس عدل ؟؟
شلون السيدة عائشة "زوجة النبي الاكرم " كانت تفتي و تروي الأحاديث عن النبي "ص" ؟؟؟
إنزين مدام مجلس الأمة ولاية عامه و ما يجوز ترشح النساء
ولا التصويت لهن
خالصين
يعني إنتخابات جمعيات النفع العام يجوز للمرأة التصويت و الترشح عدل لأنها مو ولاية عامة
يعني إنتخابات المجلس البلدي يجوز للمرأة التصويت و الترشح عدل لأنها مو ولاية عامة
يعني إنتخابات الاتحادات و النقابات يجوز للمرأة التصويت و الترشح عدل لأنها مو ولاية عامة
يعني إنتخابات المجالس و الاتحادات الطلابية يجوز للمرأة التصويت و الترشح عدل لأنها مو ولاية عامة
يعني إنتخابات إتحادات الجمعيات التعاونية يجوز للمرأة التصويت و الترشح عدل لأنها مو ولاية عامة
هذي ٥ فتاوى مني أنا شخصيا "رض"
ولما تبون ترقعون عشان لا تنتلون أمن الدولة تقولون إنه الفتوى غير ملزمة
يعني اللي يبيها ياخذها و اللي ما يبيها يتحمل الإثم
أقول لكم خلاص ليش تنشرونها بالصحف قولوها حق حريمكم و بس !
*--*
موضوع طاق رصيف :
أبي عيال الـ BB شسالفتهم ؟؟
الكويتيين ليش هبة عالفاضي ؟؟
كل واحد يسولف عن البلاك بيري ترى لاعت جبودنا
الكويت أعلى دولة بالعالم مبيعات للبلاك بيري عاد ياريت على سنع
لا بس سوالف و مسنجر و فيس بوك
هذا غير عيال الإدارية "البعض وليس الكل " اللي محاضرته الساعه ٣ الظهر اهو يروح الكلية الساعه ٨ الصبح
عشان يشتري كفر حق البيبي ماله على لون بلوزته يعني أنا يسموني
أخو الستايل و أمي إسمها شارلين و أبوي روبت
لا و لما زين قطعت الخدمة يومين العالم بغوا يموتون و الكل قام يسولف البلاك بيري انقطع
و حالات إكتئاب عمت شوارع الكويت
ماقول إلا الله يرحم والديكم أيام اللي يكشخون بأريل تلفون فاضي على السيارة
ولا بيجر حاط له كفر خشب << شخباري
اسيل و فتوى تحريم التصويت (( للنساء ))
وانا الحمدلله و الشكر كل نايم مادري شفيني
حتى البحث مالي التسليم بعد اسبوعين وانا ليلحين كاتب
بسم الله و ٤ اسطر
بتطرق للمواضيع بشكل سريع جدا جدا
أبي المسلم الغيور على دينه و الذي ينتصر للنبي و نسائه خل يحط لنا تسجيل الدكتورة كامل غير مجتزأ
جزاه الله خير لأن القاعده الشرعية تقول "" البينة على من إدعى ""
و عن الهياط الزايد غفر الله لكم
خلصنا من اسيل
نروح حق الفتوى
طيب آمنا بالله مو تقولون إنه مجلس الأمة ولاية عامة ؟؟
إنزين الفتوى ما تعتبر رسم لشؤون الأمة رغم إنها غير ملزمة ولكن تؤثر على عدد كبير من الناس عدل ؟؟
شلون السيدة عائشة "زوجة النبي الاكرم " كانت تفتي و تروي الأحاديث عن النبي "ص" ؟؟؟
إنزين مدام مجلس الأمة ولاية عامه و ما يجوز ترشح النساء
ولا التصويت لهن
خالصين
يعني إنتخابات جمعيات النفع العام يجوز للمرأة التصويت و الترشح عدل لأنها مو ولاية عامة
يعني إنتخابات المجلس البلدي يجوز للمرأة التصويت و الترشح عدل لأنها مو ولاية عامة
يعني إنتخابات الاتحادات و النقابات يجوز للمرأة التصويت و الترشح عدل لأنها مو ولاية عامة
يعني إنتخابات المجالس و الاتحادات الطلابية يجوز للمرأة التصويت و الترشح عدل لأنها مو ولاية عامة
يعني إنتخابات إتحادات الجمعيات التعاونية يجوز للمرأة التصويت و الترشح عدل لأنها مو ولاية عامة
هذي ٥ فتاوى مني أنا شخصيا "رض"
ولما تبون ترقعون عشان لا تنتلون أمن الدولة تقولون إنه الفتوى غير ملزمة
يعني اللي يبيها ياخذها و اللي ما يبيها يتحمل الإثم
أقول لكم خلاص ليش تنشرونها بالصحف قولوها حق حريمكم و بس !
*--*
موضوع طاق رصيف :
أبي عيال الـ BB شسالفتهم ؟؟
الكويتيين ليش هبة عالفاضي ؟؟
كل واحد يسولف عن البلاك بيري ترى لاعت جبودنا
الكويت أعلى دولة بالعالم مبيعات للبلاك بيري عاد ياريت على سنع
لا بس سوالف و مسنجر و فيس بوك
هذا غير عيال الإدارية "البعض وليس الكل " اللي محاضرته الساعه ٣ الظهر اهو يروح الكلية الساعه ٨ الصبح
عشان يشتري كفر حق البيبي ماله على لون بلوزته يعني أنا يسموني
أخو الستايل و أمي إسمها شارلين و أبوي روبت
لا و لما زين قطعت الخدمة يومين العالم بغوا يموتون و الكل قام يسولف البلاك بيري انقطع
و حالات إكتئاب عمت شوارع الكويت
ماقول إلا الله يرحم والديكم أيام اللي يكشخون بأريل تلفون فاضي على السيارة
ولا بيجر حاط له كفر خشب << شخباري
المشاركات
هناك 6 تعليقات:
لول
أنا بعد ضد البلاك بيري و سخافة البلاك بيري :)
كفووووو والللللللللله
اييي عيال الكويت الأصليين معروفين
دايما يتمسكوون بثوابتهم التكنولوجية
تلفون نوكيا شبح أو أريكسون ٦٨٨
كلام سليم
ياثقل طينة جيل ال BB
خوووش مدونه الله يعطيك العافيه
ذيك المرة وحدة تقول البلاك بيري
جنّه اسم خمر :////
شكو مادري
بس أصلاً مادري شنو مميزاته ولا شنو فيه
أحس بس مظهر وتماشي مع الوضع وبس
ولا بالصج ماكو شغل عليه يستحق إنه يشترونه
بحثك عن شنووو؟؟
تبي مساعدة حاضر
حنطفيس
تشرفت بوجودك خيي
و صدقة صج صج يا ثقل طينته جنله يوم اليمعه "ايام اللي كانت العطله الخميس"
--
حياتي هدف مو عبث
لا مو اسم خمر لا تخافين
اهمه اثنينهم بلاك في الخمر كحول
و هذا توت
:P
اهو بس جذي هبه نطري عليه شهرين و شوفي العالم محد راح يسولف فيه
اما البحث فأهو حق مادة حلقة بحث
رسالتي بعنوان
" المعوقات التي تواجه توطين الفصول الذكية في ظل سيادة طرق التلقين و تجاهل الطرائق الأخرى "
لوووول الاسم بروحه حزام حجاج
مادري ان كان ولا لأ
سمعت من وحدة :/ وعلقت السالفة براسي
شنو هالبحث غريب
اكتب العنوان ويصير بحث كامل
p:
إرسال تعليق