سواها بوحسين!!

والله و سواها بو حسين

نتقدم بأحر آيات التهاني و التبريكات
لمقام السيد
براك بن حسين آل أوباما

و كل آل أوباما الكرام على هذا النصر الساحق

و الفتح المبين

و إنت قدها يا بو حسين

ولو إنه عندنا عليك عتب يا بوحسين

و العتب على قدر المحبه "خالي"

يعني عايش بأمريكا اللي هي حذفت عصا من الكويت

و عندكم جامعات الدنيا و الدين شدعوه جان خذيت لك

دكتوراه صغيرونه ولو فخرية عشان تكشخ بإسمك

ولا دعيج الشمري أحسن منك !!

و صراحة يا بوحسين في حالة إنحلت الرئاسة عندكم

أو ربك وفقك و تميت الفترة مالتك و نويت بعد ما تصلي استخارة

إنك تنزل إنتخابات لدورة ثانية

يا ريت تغير شعار حملتك لأنه مو معقولة إنسان ديمقراطي

يستعين بشعار حملة ركائز "الاخونجية"!!
Change !! بدلها!!


عالعموم أرد و أقول

مبروك يا بو حسين

و إرفع راسك صوتك وصل





--------------
دعـــــــــــــــــــــــــــــــوة مـــــــــــن صــــــــــــــــــــوت الكــــــــــــويــــــــــــــــــــت

حضوركم دعم لحرياتكم

للإستفسار : www.soutalkuwait.com
info@soutalkuwait.com