وايد من عاداتنا و تقاليدنا تغيرت أو على الأقل من اللي وعيت عليه لي الحين
طبعا أنا بحط لكم بعض هذه العادات الدخيلة و العادات اللي كانت موجودة قبلها
أيامنا كنا نستمتع بحلقات جريندايزر و دايزر و كوجي و هيتارو و الحين عيالنا قاموا يتابعون بوكيمون
أيامنا شحلاتها بالقهوة العربية و الحين يعالنا صاروا عيال موكا !!
آباءنا و أجدادنا كانوا يستمتعون بنامليت بوتيله و الحين عيالنا صارو عيال ماونتن ديو !!
أيامنا لي قالوا مسوين مموش يصير كفخ الاكل ما تدري منو طقاق القنجه و الحين صاروا عيالنا عيال لازانيا و شوكة "أبي اللي يتفلسفون و ياكلون العيش بالشوكه شلووووووووووووووون ياكلون !!! و يبطون جبدك يقولون ما نعرف مادري أمه أنجلينا جولي و أبوه براد بيت "
أيامنا إنتدازز على الارنب الجائع و منو يخاذ أشرطة مصارعين و إنتبادلهم بالمدرسة و الحين يعالنا صارو عيال ماكدونالدز و ماك رويال مع مايونيز
قبل شحلات يمعتنا على الحليب مع زعفران أو شاي مخدر مزاج و الحين عيالنا كل واحد حاط له ماج و غوري كهربا!!
أيامنا نلصق بأهالينا و أجدادنا و نقعد يمهم نسمع معاهم رادو "مو راديو لا رادو" و شحلات أغانيه و أخبار مونتكارلو و الحين عيالنا صارو عيال آيبود
قبل إنترزز يم أهالينا واهمه قاعدين بالحوش كل واحد فيهم مجابل اللاسلكي "القدو" و ياكلون حب شمسي و القشر يتطشر من حلجهم و أهمه يسولفون و الحين عيالنا مرتزين بالقهاوي كل واحد عمره ١٠ و ١٢ سنه و ماسك له هوز شيشة
قبل ننطر يوم الخميس و اليمعه يحطون لنا فلم هندي إنتيمع جدامه و كل واحد ماسك بايده العدة "بطاط و دقوس بوديج " و الحين يعالنا كل يومين رايحين السينما و بيدهم ناتشوز و بوب كورن الله يرحم أيامنا جدر فيه زيت و ذرة يابسة و ناكل نفيش محروق شحلاته
الله يرحم ذيج الأيام و الحين حاطين لنا لجنة ظواهر سلبية إتلاحق الجنوس !! اللي يسمعهم يقول قبل ما عندنا جنوس و كنا المدينة الفاضلة ولا مطعم فرح شنو اللي كانوا يتيمعون عنده ؟! بس بس لاعت جبدي تصبحون على خير
طبعا أنا بحط لكم بعض هذه العادات الدخيلة و العادات اللي كانت موجودة قبلها
أيامنا كنا نستمتع بحلقات جريندايزر و دايزر و كوجي و هيتارو و الحين عيالنا قاموا يتابعون بوكيمون
أيامنا شحلاتها بالقهوة العربية و الحين يعالنا صاروا عيال موكا !!
آباءنا و أجدادنا كانوا يستمتعون بنامليت بوتيله و الحين عيالنا صارو عيال ماونتن ديو !!
أيامنا لي قالوا مسوين مموش يصير كفخ الاكل ما تدري منو طقاق القنجه و الحين صاروا عيالنا عيال لازانيا و شوكة "أبي اللي يتفلسفون و ياكلون العيش بالشوكه شلووووووووووووووون ياكلون !!! و يبطون جبدك يقولون ما نعرف مادري أمه أنجلينا جولي و أبوه براد بيت "
أيامنا إنتدازز على الارنب الجائع و منو يخاذ أشرطة مصارعين و إنتبادلهم بالمدرسة و الحين يعالنا صارو عيال ماكدونالدز و ماك رويال مع مايونيز
قبل شحلات يمعتنا على الحليب مع زعفران أو شاي مخدر مزاج و الحين عيالنا كل واحد حاط له ماج و غوري كهربا!!
أيامنا نلصق بأهالينا و أجدادنا و نقعد يمهم نسمع معاهم رادو "مو راديو لا رادو" و شحلات أغانيه و أخبار مونتكارلو و الحين عيالنا صارو عيال آيبود
قبل إنترزز يم أهالينا واهمه قاعدين بالحوش كل واحد فيهم مجابل اللاسلكي "القدو" و ياكلون حب شمسي و القشر يتطشر من حلجهم و أهمه يسولفون و الحين عيالنا مرتزين بالقهاوي كل واحد عمره ١٠ و ١٢ سنه و ماسك له هوز شيشة
قبل ننطر يوم الخميس و اليمعه يحطون لنا فلم هندي إنتيمع جدامه و كل واحد ماسك بايده العدة "بطاط و دقوس بوديج " و الحين يعالنا كل يومين رايحين السينما و بيدهم ناتشوز و بوب كورن الله يرحم أيامنا جدر فيه زيت و ذرة يابسة و ناكل نفيش محروق شحلاته
الله يرحم ذيج الأيام و الحين حاطين لنا لجنة ظواهر سلبية إتلاحق الجنوس !! اللي يسمعهم يقول قبل ما عندنا جنوس و كنا المدينة الفاضلة ولا مطعم فرح شنو اللي كانوا يتيمعون عنده ؟! بس بس لاعت جبدي تصبحون على خير
المشاركات
هناك 3 تعليقات:
الاسياء اللي قلتها مالت قبل صح
بس انت شدراااااااك لووووووول
ما اعتقد كنت تطالع جرندايزر وانت الحين عمرك 22
الارنب الجائع ليلحين احبه
موجود في حولي على الدائري الرابع
عجييييييب
يذكرني بالمدينة الترفيهية
شدعوه ما لحقت يبا لحقت على جريندايزر و و سانشيرو و كابامارو و السنافر و الشناكل و عدنان و لينا و خماسي و جونغار و رعد العملاق و كاليميرو و جزيرة الكنز و هداف و حتى ليدي و سالي و هايدي و فتاة الجبل لحقت عليهم
حتى وقتها الفيديو بيتاكام الشريط الصغير :)
و الارنب الجائع هذا تقليد إسمع عالم الارنب الجائع
بس الارنب الجائع الأصلي موجود بالخفجي
و ومبي موجود بقرطبة
و بيتزا ايطاليا اختفى اخر واحد كان بالفروانية و بعدها مادري وين راح
انا اضم صوتي لعقر بقر
وبالنسبة للأرنب الجائع الموجود حاليا هو تقليد
واللي بقى موجود في السعودية
وبالخفجي موجود وشغله نظيف وجيد
ويامال العافية عورت قلوبنا الله يصلحك
:)
إرسال تعليق